東網電視
更多新聞短片
曼城33歲中場老將奇雲迪布尼，周五（4日）於自己社交平台親自發布公開信，宣布今季季尾約滿後離隊，為佢喺「藍月亮」黃金10年畫上句號。
迪布尼喺公開信中表示：「我亦開門見山，依家踏入我喺曼城生涯最後幾個月，好感謝球隊同呢度所有人畀我嘅一切，無論情唔情願，告別時刻終於嚟到，我喺曼城10年贏盡一切，呢度永遠係我家，讓我哋好好享受呢段最後時光。」
迪布尼絕對係曼城近年稱霸英超嘅最大功臣，雖然早年被車路士放棄，但於德甲禾夫斯堡打出名堂，2015年重返英超加盟曼城，開創黃金10年，贏盡16座大大小小冠軍，單計英超就6度封王，其中締造史無前例嘅英超4連冠，以及2023年首奪歐聯冠軍，而佢源源不絕嘅助攻，亦令射手艾寧夏蘭特士哥不斷。
