港超聯　攔路虎冠忠南區火併理文

周六（5日）「中銀人壽香港超級聯賽」頭場大戰，冠忠南區坐鎮香港仔運動場鬥「3哥」理文。上周慘負的「黃黑軍團」爭標形勢被動，再無失分空間，南區近況亦未如理想，但今季面對強隊不乏佳作，隨時再扮演「攔路虎」角色，兩隊爭勝決心無庸置疑，必定打甩髀！（港台電視32及on.cc東網周六下午3時同步直播）<br/><br/>南區上周聯賽以1比3不敵傑志，各項賽事兩連敗，領隊貝可泓提醒球員做好防守，同時因下周三要出戰「賽馬會菁英盃」4強，今仗或作輪換：「大家唔好見理文啱啱大比數輸波就鬆懈，場上任何時間唔夠集中，一定會付出代價，不過有球員啲傷仲未好番，所以我哋會做輪換，確保全隊以最佳陣容迎接『菁英盃』4強。」<br/><br/>趙聡悟盼把握對手失誤<br/><br/>南區今季各項賽事已與理文交手3次，趙聡悟（Sohgo）表示雙方已非常「熟路」，他又預期「黃黑軍團」上周吞敗後，今仗必定力求反彈，希望做好反擊製造威脅：「雖然大家好清楚對方嘅踢法，但理文上場輸得咁轟烈，今場一定搏晒老命，希望把握到佢哋失誤，打快攻爭取入波！」<br/><br/>理文上仗前列大戰，以3比7不敵「1哥」大埔，暫代主教練朱兆基承認賽果對球隊造成衝擊，強調球員不能因此氣餒，要盡快收拾心情：「輸咗一場咁緊要嘅賽事，球員信心點都有影響，所以喺呢個星期除咗集中備戰之外，都用唔同方法去鞏固番球員嘅信心。雖然聯賽踢到第3循環，但仍然有好多變數，我哋仲有7場，每場波都咁重要，我哋唔會因為一場失利就氣餒。」陣容方面，保連奴因次循環對南區領紅被「加監」，今仗需要停賽。<br/><br/>余煒廉避免又早段落後<br/><br/>後衞余煒廉坦言目前爭標形勢被動，但深信球隊已吸取教訓，今日會加強防守，避免過早失球：「上場發揮認真麻麻，畀對手把握到我哋嘅漏洞，所以今個星期都集中檢討減少失誤，同點樣提升把握力。香港仔個場不嬲唔易踢，希望踢出應有水準，唔好再喺早段失波，同盡快先開紀錄。」 <br/><br/>【兩隊預計正選陣容】<br/>冠忠南區 <br/>1伍瑋謙<br/>14宋柱浩 4川瀨浩太 21黃浩然 <br/>8李嘉耀 11佐佐木周 6基斯 26陳凱柏<br/>19趙聡悟 90積遜 7史提芬彭利拿<br/><br/>理文<br/>28陳嘉豪<br/>55余煒廉 23泰法蘇尼 13李毅凱 4立花稜也<br/>10黃威 6胡晉銘 7保利臣<br/>8艾華頓 9安尼亞 91羅沙<br/>