東網電視
更多新聞短片
曼聯睇中里昂攻中。(Getty Images)
曼聯今個夏天打算大換血，其中進攻中場位置睇中里昂21歲法國小將卓基，據報該法國奧運腳同時獲熱刺及皇家馬德里垂青，曼聯居於領先位置，轉會費只需2,500萬鎊(約2.5億港元)。
「轉會專家」羅曼諾報道，卓基同里昂合約中有個解約條款，只要有英超球隊支付2,500萬鎊，就可帶走卓基，他說：「呢個條款並唔簡單，里昂必須滿足特定條件，不過無論如何，卓基係一個具潛力嘅超值球員，而且好有天賦。」
里昂正面對財政緊張問題，今個夏天好大機會出售卓基減赤，早前冬季轉會窗多蒙特曾開1,900萬鎊報價但被拒絕，富咸曾探盤亦唔成功。
卓基今季各項賽事交出8球18助攻，熱刺同皇馬都對佢有興趣，曼聯同佢一直保持聯繫，而且嚟緊歐霸盃8強對里昂，不但可以即場觀察，雙方團隊仲可以深入接觸，佔盡先機。
