艺人黄芳雯（Paula）与丈夫育有一对年幼子女，她除忙于照顾小朋友外，还要兼顾事业，时间上实在不够用，不过身为廿四孝妈咪的Paula趁开学前不忘于为小朋友安排暑期活动，酷热天气下一家人到主题乐园耍乐，与小动物作近距离接触，齐享家庭乐。<br/><br/>原来Paula幼女首年展开学生生涯：“唔知系咪以前成日带妹妹凑哥哥放学，佢好知返学系咩嘢一回事，返到学校竟然冇喊，仲识同老师及同学互动。佢喺屋企算系小霸王，估唔到喺学校又几乖，老师都赞佢，希望佢日后能够识得享受嚟紧20年嘅校园生活啦。”至于囝囝则升上K3，Paula坦言：“都开始要帮佢搵小学嘞。今年咁啱妹妹上午班，哥哥则返下午，搞到我全天候管接管送，好似变咗全职司机咁，哈哈﹗”