今夏同法甲球隊尼斯解約嘅丹麥鋼門卡斯柏舒米高終於有班落，正式加盟比利時勁旅安德列治，雙方簽約1年，並有權再續約1年。<br/><br/>卡斯柏舒米高曾於2011至22年效力李斯特城，最威水係協助「狐狸兵團」爆冷奪得2015/16年英超冠軍，其後亦捧過2020/21年英足盃冠軍。不過，呢位36歲門將上年夏天離開李斯特城，轉投尼斯之後表現麻麻，更因為同隊友關係欠佳，而提早今夏解約離隊，一度面臨「失業」，幸好依家獲得安德列治收留。<br/><br/>卡斯柏舒米高簽約之後話：「我對於安德列治嘅發展大計感到興奮，佢哋係一間大球會，獲得各界高度評價。」安德列治方面大讚卡斯柏舒米高經驗豐富，可以為球隊帶來好處。