踏入2024年，越洋转播赛事戏码陆续公布，即将举行嘅就会系1月27日南非举行嘅大都会锦标赛日，接住第二日转播戏码亦都公布咗，要去到2月24日(星期六)，届时更加炒三味，香港马迷将会响日间欣赏到新西兰同澳洲嘅赛事，然后到晚上就系全球最高奖金沙特杯赛事。<br/><br/>今年夹埋沙特杯举行嘅日间赛事，虽然都系澳洲赛事，但就唔系再播同日响悉尼兰域举行嘅诺顿锦标赛马日，转咗去维省地头，响考菲尔德马场举行嘅蓝钻石锦标赛日，后者更加系首度加入，连同大都会锦标赛日、沙特杯赛马日，将会成为新一年滙合彩吔嘅三项戏码。<br/><br/>不过2月24日越洋转播赛事，仲会有一项新西兰赛事，将会首播奥塔奇(Otaki)马场举行嘅奥塔奇毛利经典赛，呢场海外一级赛，将会由3岁或以上马匹出战1600米，角逐总奖金40万新西兰元(约港币196万港元)赛事。<br/><br/>去年2月25日嘅转播赛双料娱乐，只举行9场赛事，分别为3场来自诺顿锦标赛日，与及夜间6场沙特杯赛日，且看今年呢个炒三味戏码，又会点样安排?