東網電視
更多新聞短片
希斯昆仲今年憑Little Brose贏藍鑽石錦標。
踏入2024年，越洋轉播賽事戲碼陸續公布，即將舉行嘅就會係1月27日南非舉行嘅大都會錦標賽日，接住第二日轉播戲碼亦都公布咗，要去到2月24日(星期六)，屆時更加炒三味，香港馬迷將會响日間欣賞到新西蘭同澳洲嘅賽事，然後到晚上就係全球最高獎金沙特盃賽事。
今年夾埋沙特盃舉行嘅日間賽事，雖然都係澳洲賽事，但就唔係再播同日响悉尼蘭域舉行嘅諾頓錦標賽馬日，轉咗去維省地頭，响考菲爾德馬場舉行嘅藍鑽石錦標賽日，後者更加係首度加入，連同大都會錦標賽日、沙特盃賽馬日，將會成為新一年滙合彩吔嘅三項戲碼。
不過2月24日越洋轉播賽事，仲會有一項新西蘭賽事，將會首播奧塔奇(Otaki)馬場舉行嘅奧塔奇毛利經典賽，呢場海外一級賽，將會由3歲或以上馬匹出戰1600米，角逐總獎金40萬新西蘭元(約港幣196萬港元)賽事。
去年2月25日嘅轉播賽雙料娛樂，只舉行9場賽事，分別為3場來自諾頓錦標賽日，與及夜間6場沙特盃賽日，且看今年呢個炒三味戲碼，又會點樣安排?
