已經有兩個女兒嘅巴塞隆拿中堅恩尼高馬天尼斯，日前獲批特別假期，事關佢太太臨盆，順利誕下男嬰，追仔成功。<br/><br/>33歲嘅恩尼高馬天尼斯同太太有兩個女兒，分別係Nikole同Paule，呢日佢太太誕下第3胎，最令人開心係仔嚟嘅，為球隊沖喜。<br/><br/>兒子出世前，恩尼高馬天尼斯仍然有為巴塞隆拿在西甲4強首回合上陣，結果同馬體會踢成4比4，恩尼高馬天尼斯為球隊攻入第3球。<br/><br/>放假一天後，恩尼高馬天尼斯好快又要重投訓練，準備聯賽對皇家蘇斯達。