剛於英足盃出局嘅曼聯，據報季尾將會進行亞洲之旅，共分2站，先到馬來西亞吉隆坡，然後再嚟香港，兩場表演賽可賺取800萬鎊(約7,800萬港元)報酬。<br/><br/>馬來西亞傳媒報道，曼聯將於5月25日英超煞科戰對阿士東維拉，之後隨即拉隊出發遠赴亞洲，5月28日在吉隆坡上陣，對手是東南亞國家聯隊，之後轉飛香港，不過日期同對手未定。<br/><br/>足總盃出局後，曼聯今季僅餘下歐霸盃同聯賽兩項賽事，英超煞科日為5月25日，而歐霸盃決賽日期為5月22日，就算曼聯順利打入歐霸盃決賽，都唔會影響亞洲之旅行程。<br/><br/>對於曼聯季尾仲要去亞洲踢表演賽，有唔少批評聲音認為會影響球員放假休息，但管理層為增加收入，都要咁做。