剛自三藩市返港的歌手林德信演出商場騷，他說：「陪咗媽咪幾個星期，母親節都會送花畀佢。（繼母葉蒨文呢？）佢都有，不過下個禮拜先同佢食飯。」將推出新歌的他，希望爭取更多做Live Show機會，更期望開演唱會，不過尚未夠歌：「儲到30首先，依家得10幾首，或者同啲音樂人合作，好似同場嘅鄭嘉嘉咁，之前佢喺做電影配音，但佢都係唱歌嘅，或者製作首合唱歌，又可以同其他音樂人以唔同形式表演。」<br/><br/>同場的陳凱彤將推出新歌，本打算邀193（郭嘉駿）任MV男主角，可惜最終泡湯，她說：「其實193答應咗，但佢公司唔畀，我都有失望嘅，惟有望下次有合作機會啦，依然搵咗另一個靚仔做男主角。」而情傾193拍MV全因貪他夠高，可襯5呎8吋的她，問可覺得193好寸嘴，她猶豫了片刻謂：「咁有佢先有效果，觀眾鍾意睇，我同佢唔算好熟，係見過幾次嘅朋友囉，佢冇試過寸我喎。」<br/><br/><br/><br/>