去片睇艾古爾遭球迷用啤酒罐掟中頭部<br/>https://x.com/i/status/1857852043924320747　<br/><br/>周六(16日)舉行嘅中北美洲國家聯賽8強首回合，墨西哥作客0比2不敵洪都拉斯之餘，領隊艾古爾更加遭對手球迷用啤酒罐掟中頭部，即時血流披面，但佢仍不失霸氣，淡定行去同洪都拉斯領隊魯達握手。<br/><br/>球證吹完場後，即使墨西哥吞兩蛋，但艾古爾仍保持風度，行去同對方主帥魯達握手，期間觀眾席上不斷有人向艾古爾掟雜物，結果有啤酒罐掟中佢頭部，但呢位65歲墨西哥名帥毫無懼色，繼續行去搵魯達。<br/><br/>呢個時候，艾古爾頭部開始流血，佢仲笑笑口同工作人員交談，並同對方球員握手，甚至軍醫想為佢治理傷勢，佢都拒絕，繼續步離球場。<br/><br/>唔少網民大讚艾古爾有型，就算受傷流血，都絕不向暴力球迷示弱，亦有人認為佢對於墨西哥敗陣，內心應該嬲到爆，已蓋過皮外傷痛楚。