早排馬會公布潘頓已獲准請假離港，因為佢將於下周末夥拍短途好手「陸橋連結」(Isthmus)出戰喺澳洲費明頓馬場舉行嘅1000米一級賽閃電錦標，可惜呢匹4歲馬女由於健康問題，下周需要進行喉部手術，被迫缺陣閃電錦標，亦令潘頓未能成行。<br/><br/>新勝G3嘅「陸橋連結」，幕後原本目標遠大，如果喺閃電錦標交出成績，就會部署此駒於6月遠征英國出戰皇家雅士谷嘅賽事。不過，此駒尋日喺費明頓馬場試閘後，發現其會厭發炎，因此將於下周一進行一個簡單嘅喉部手術，故此未能於下周末嘅閃電錦標。<br/><br/>不過，幕後依然未放棄遠征英國嘅計劃，佢哋初步打算讓「陸橋連結」喺3月尾嘅1000米表列賽Hoysted Stakes復出，然後4月尾就會喺南澳角逐G1羅拔桑士達錦標，只要表現良好，就會如期參與英國皇家雅士谷賽期。