英皇一眾藝人曾樂彤、洪助昇(Aiden)、黎峻(Kenneth)、劉若寶(Polly)、郭思(Suey)以及朱天,齊齊參與麵包收集「Bread Run」活動,再運到食物銀行,經過義工處理、分類等工序後,再捐贈給有需要人士。<br/><br/>其實他們之前都做過不同活動的義工,「廣告女神」Suey於大學時期更試過於內地偏遠地區當英文老師,她說:「去咗一至兩個星期,有好深感受,我發覺內地一啲比較貧困嘅地方,嗰度啲小朋友係好好學,好珍惜每一次有老師教佢英文嘅機會。有咗嗰次嘅經歷,我更加學識知足,好感恩自己擁有嘅一切。」<br/><br/>曾樂彤覺得這是一次難忘的體驗,她說:「我覺得做義工係積福,有錢出錢,有力出力,好似今次嘅活動,自己能夠做到幾多,就做幾多,希望可以幫到更加多嘅人。更加學識乜嘢係知足,好感恩自己擁有嘅一切。」而Kenneth則認為人類每日都製造非常多的廚餘,這類的義工工作,是真正可以幫助到好需要食物的人:「如果真係銷毀晒咁多麵包,係會幾浪費,所以喺度都希望多啲集團或者商店支持呢種活動,去幫到更多嘅人。」<br/><br/>他們說:「有啲麵包店會將賣唔晒嘅麵包畀員工拎番屋企畀屋企人食,有啲就會捐出去,好似呢個活動咁。」曾於快餐店做過兼職的朱天,表示晚上會有很多賣剩的食物,最後也是丟掉:「依家有食物銀行去回收番一啲仲食得,或者過一、兩日先至會腐爛嘅食物,去畀番一啲有需要嘅人,呢件事係好好,可能未必幫到佢一日三餐,但如果可以幫到一半對食物有需要嘅人,可能對佢哋家庭係幫咗好多。」<br/><br/>當義工期間眾人亦發生不少趣事,Aiden說:「喺運送過程中,我哋好似保鏢咁保護啲食物,好小心翼翼拎住,希望保持衞生、保障到食物唔會變質,同埋安全咁送到目的地。」Polly則謂:「我哋見到有好多麵包賣唔晒,但我哋幾個又好肚餓,當見到啲麵包時就忍唔住話:『好想食啲麵包呀!』最後當然冇啦,哈哈。」朱天表示:「去到時發覺,原來剩餘嘅食物都有幾多,但我只係預備咗一個月餅嘅保鮮食物袋,其實唔大個,好彩公司同事有預備多咗兩個額外嘅保鮮食物袋,size比較大,最後total差唔多有三至四袋。」<br/><br/><br/>