呂健威今日手風勁順，先後憑「瑰麗人生」、「金鎗武士」及「龍之心」連中三元，得勢不饒人，尾場再憑「銀亮光速」贏馬，全日贏得4W，而且全部唔同騎師，同時更以64場頭馬，打破個人單季頭馬紀錄，真係犀利！呂健威今日4匹大熱門全部贏晒，4串1獨贏都有約70倍，算唔錯啦！<br/><br/>賽後，呂健威話「銀亮光速」進度來得幾快，連場表現準，今場抽到1檔好位，不過入直路畀對手阻過，幸好最後都贏馬，班德禮賽後匯報馬匹好忠心，下季應可再扳長路程。至於今日食大四喜兼打破個人單季頭馬紀錄，呂健威都好開心，季初冇諗過贏到咁多頭馬，都係盡本分做，希望頭馬陸續有來。<br/><br/>今場跑第2名為田泰安「浪漫風采」，梁家俊「金哥兒」跑第3，第4名為鍾易禮「大紅袍」。<br/><br/>第11場賽果：14-6-11-10<br/>組合獨贏3揀1賽果：A1(最後賠率2.6)<br/>二重彩賽果：14-6(最後賠率56)