唔知由几时开始，人类影亲相都习惯性P图，唔P唔安乐，真系乌鸦都可变凤凰，斋睇相已经唔可以作准，或许社交平台嘅堀起，逐渐令世界推向失真地步。不过，话分两头，P图之类嘅执相技术的确满足到人类欲望，只要用得其所，仲可令人有惊喜。<br/><br/>早前听某位经常到日本影马嘅行家讲，原来日本中央竞马会(JRA)已开创先河，为咗满足未能亲身入场影头马相嘅马主，终于研发好一套移花接木嘅技术，即是头马相照影，马主冇在场都唔紧要，事关JRA预先会搵专人将一早影好胜出马嘅马主全身相，key落去张头马相入面，即使身处天涯海角，都唔惊因错过影头马相而留下遗憾。<br/><br/>最近，JRA搵咗啲靓女同骑师帮手做model宣传呢套技术，东星亦睇过办，又真系key得几自然，但系最好马主张全身相预先影定冬天同夏天两种装束，否则随时会同其他被摄者格格不入，同时调光暗都好紧要，假如撞正西斜，其他被摄者阴阳面，而被key者有充足光线，咁就变成一幅灵异照片了。<br/><br/><br/>初步提供:<br/><br/>第5场3“超劲宝宝”<br/>第6场2“奇宝”<br/><br/>■东星