今夏約滿利物浦嘅英格蘭中場阿歷士張伯倫，周二(15日)宣布加盟土超勁旅比錫達斯，雙方簽約3年，成為呢支土耳其名牌夏天另一重要收購，有傳佢哋仲要簽入阿仙奴翼鋒尼高拉斯比比。<br/><br/>30歲嘅阿歷士張伯倫回復自由身後，雖然收到沙特球會斟介，但佢決定續留歐洲發展，今次簽約比錫達斯會獲得250萬歐元(約2,130萬港元)年薪，另有視乎上陣時間嘅獎金條款。<br/><br/>比錫達斯近年鍾情英格蘭球員，上季就有迪利阿里同列特文2名英兵效力，佢哋今個夏天亦有唔少增兵，包括向AC米蘭簽入克羅地亞國腳列比錫，消息指比錫達斯近日亦同尼高拉斯比比達成3年合約，等待阿仙奴答應解約放人。