日本隊早前公布亞洲盃名單，效力德乙杜塞爾多夫25歲中場田中碧落選，原來另有玄機，據報田中碧放棄亞洲盃，係希望趁今個冬季轉會窗轉投慕遜加柏，由於法國中場文奴干尼好大機會離隊，慕遜加柏將會簽入田中碧代替。<br/><br/>《圖片報》報道，慕遜加柏一直有留意田中碧，不過遲遲未出手，因為佢哋等緊隊中主力文奴干尼被各豪門挖角，據報祖雲達斯、拿玻里同巴黎聖日耳門都對該22歲法國中場有興趣，只要文奴干尼離隊，就會簽入田中碧。<br/><br/>25歲嘅田中碧效力杜塞爾多夫2季半，上陣38場入4球，身價估計250萬歐元(約2,140萬港元)，只要慕遜加柏畀300萬歐元轉會費(約2,560萬港元)，田中碧就會立即加盟。