腳傷嚴重 蟲草成名將會退役！

「蟲草成名」前季喺新馬賽大爆108倍冷門取勝，贏馬後該季再出1000米田草都跑入一席第2，喺高伯新訓練，此駒上季以3歲之齡已取5W，另外喺上季跑入兩亞一季成績，今季表現更令人期待。

「蟲草成名」今季107分起步，季內喺分級賽下作戰似乎比較遜色，幕後喺今年決定安排「蟲草成名」由高廐轉至呂廐訓練，且看能否再搵到出路，此駒轉至呂廐後，上仗出戰1200米G3沙田銀瓶撼「金鑽貴人」，結果以2乘落敗得季軍，以轉倉初出一仗表現已算收貨。

不過，「蟲草成名」至7月2日游水之後就缺課至今，睇番傷患紀錄，原來此駒左前球節受傷，今日(11日)呂健威喺晨課表示，「蟲草成名」本來部署出戰剛周日一班1200米田草，不過最後因傷而未能上陣，由於「蟲草成名」腳傷頗為嚴重，同馬主商量過後，決定安排「蟲草成名」退役，喺外地頤養天年。