東網電視
更多新聞短片
1/2
周二朝共有6匹參戰馬到大圈出試，「黑桃火箭」黃智弘踱一圈，火力充裕，落腳既爽又輕；「賢心星」助手踱一圈，贏開有勢，擔高頭走極神氣；「風中勁松」助手踱一圈，身有少少肥；「連連勝利」助手踱一圈，有火有力，外觀更靚到冇得挑剔；「北海盜」黃寶妮踱一圈，神態活躍，不遜贏馬時候；「旌鷹」身粗壯呈現線條美。以下是心水推介：
第3場「勁好運」上仗初跑谷草效果一絕，今戰再接再厲，執靚檔兼對手弱，形勢大好，上周四出跳快開急勁，剛周日慢試淡淡定，勇熟程度更進一步，可開勝門。
第4場「環球英雄」可跑周日四班條件賽，突然變陣轉場有計，尤其係同父兼同主馬「好友心得」乃谷草能手，更鍾意係「環球英雄」上周四草地拍跳專注又順暢。
第7場「我做到」改攻谷草一哩效果極佳，除了取得勝仗之外，多次躋身前4名，且連續4仗排外檔也得2亞1季1殿，今仗終抽到內檔，進步中之馬可望贏馬補中。
