東網電視
更多新聞短片
日本馬后「杏目」首胎Aaron's Rod今日首戰，大熱只跑梗頸四。
日本馬后「杏目」成為牝馬，首匹與2014年日本盃盟主「神威啟示」配種所生雄馬，今日响東京競馬場開上前線，而呢匹「杏目」大公子Aaron's Rod，父母兩線赫赫有名，首度上陣自然成為矚目焦點，於第5場1600米2歲新馬賽中，票數一面倒，然而陣上實力展現令人失望，响呢場12駒參戰嘅1600米2歲新馬賽中，大熱只跑梗頸四。
Aaron's Rod今場一如媽媽「杏目」，都係由李慕華主理，起步不快採取留前鬥後跑法，入彎發力仍有前列馬匹有一段距離，末段循序加速下，負於頭馬Pearly Luster三個身位跑第4。其實呢匹明星子嗣，原定安排8月响新潟登場，因為賽前進度評估不足，先至順延上陣時間。
對於首場上陣只跑梗頸四，李慕華賽後認為馬匹在陣上加速力較慢，應該係偏向慢熱嘅長途，初次上陣縱使未能勝出，亦不能視為失望，強如其母「杏目」於新馬首戰亦只得亞，幼齡馬估計仍會有大幅上升空間。
