東網電視
更多新聞短片
曾來港發展嘅澳洲騎師卡爾，本周末賽後正式掛靴。
現年60歲嘅澳洲籍騎師卡爾(Michael Cahill)，周末跑完黃金海岸賽事之後，將會正式掛靴。
對於呢位澳洲籍騎師，老一輩馬迷都會對佢有印象，早於2001/2002馬季下半段時間來港客串，交出13W，接住2002/2003馬季長駐發展，表現令人失望，騎足全季只得7W，其後亦曾先後轉赴澳門及新加坡短暫發展，可惜表現未有太大突破，最終返回昆士蘭省策騎至今。
馬季正值高峰期，不過卡爾早已計劃於今年退休，所以對於呢個早來嘅決定，並無感到遺憾，況且卡爾榮休之後，黃金海岸賽馬會，已經安排佢接任新崗位，將會成為見習騎師嘅教官。
由於卡爾本身來自賽馬家庭背景，父親係練馬師身份，而佢就投身騎師行列，而佢嘅15歲囝囝Harry亦會步其後塵，已經成為見習騎師，並於上周已經分派至所屬馬房展開實習。
