東網電視
更多新聞短片
游達榮與哥哥游孝廉今早在隧道口接「一定超」，鏡頭矚目。
1/5
昨晚游達榮(David)身旁有位身形相近、同樣有番咁上下靚仔嘅男士跟住督師，原來係佢哥哥游孝廉(Harry)，可惜游廐全晚成績一般，僅得「綠色好景」入到前4，兩兄弟未能在凱旋門影番幅頭馬相留念。
不過，有心唔怕遲，嚟緊周末又有10場沙田日馬賽事，游廐派出的4匹參戰馬，不乏爭勝份子，除了上場僅輸頸位的「開心五月」急求補中，今戰初出的「一定超」賽前3課大閘愈試愈好，最近一課1200米泥閘在霍宏聲胯下彎位移出，直路逢馬過馬掄元，可謂如箭在弦。
然而，今早游氏兄弟一齊追更出席晨課，仲好似連體嬰咁滿場飛，並為參戰馬積極備戰，而David對「一定超」由助手在大圈試跑操練尤其着緊，課後與Harry結伴往機坪隧道口接馬，繼而第一時間追問鞍上人操後感，鏡頭令人側目！
游氏兩兄弟都係咁靚仔。
游孝廉(左1)昨晚已低調現身跑馬地馬場。
游孝廉(右)陪弟弟追更。
「一定超」今早由助手於大圈快磨，好火好力。
