點止「豐辰」！楊明綸又要做石哥殺手

楊明綸絕對係今季其中一位冷殺手，今季暫時贏咗12W，有4場都係逾10倍冷門，包括上周日憑19倍「勇闖高峰」及132倍「豐辰」起孖，後駒更為徐雨石帶來重要勝仗。到咗今期周末田戰，徐雨石繼續對綸仔委以重任，有第6場四班田草1400米嘅「觀萬物」攜手出擊，綸仔又能否再為石哥建奇功呢？

4歲澳洲PPG「觀萬物」，在港兩兩次出賽分別由田泰安及布文執韁，但表現唔算太突出，剛戰由田草1200米增程初跑1400米，改用楊明綸，臨場冷至103倍，但沿途貼欄居中間位置走勢唔差，拉士湧上嚟得第5名，走勢有啲進展，復課後由綸仔一手操，尋朝亦有安排拍跳，今次再跑1400米抽4檔，隨時有更進一步演出。