東網電視
更多新聞短片
1/2
今年打吡曲終人散，呂廐「百賀飛駒」過往喺澳洲同香港均未曾贏馬，但最後喺打吡爆26倍冷門取得服役首勝，呂健威練馬堅過石堅之餘，鞍上人韋紀力發揮亦應記一功。「百賀飛駒」抽2檔起步，韋紀力沿途不慌不忙喺慢步速場合守好位，最後使出看家本領從內欄竄上以短頭取勝。霍宏聲騎「祝願」發揮亦冇大錯，當然總有人雞蛋裏挑骨頭認為騎者可早啲發力，但「祝願」始終首次增程至2000米，長力到邊冇人知。霍宏聲只係23歲，出戰大賽經驗點都唔夠韋紀力多，但今次對霍宏聲而言，確實上咗好好嘅一課。
第9場三班1200米，「假面騎士」上場再次不放而留被小組查問，蘇偉賢雖然確認策騎指示，但都傾向馬匹領放較佳，故今次換田泰安當然立心求補中。
