東網電視
更多新聞短片
1/2
昨朝只有賀廐「威力勇驥」到大圈操練，由助手踱一圈，神態平淡唔太吸引，外觀也沒有太大變化。以下是心水推介：
第7場「運來勇士」上仗未能連捷，一來加了磅，二來排外檔，三來游廐少連捷馬，仍能跑獲季軍，表現合格有餘。連場硬仗未見疲態，最近兩課出跳生猛搶走，馬身愈來愈飽滿，狀態弗到爆炸。
第8場「勝意」改攻泥地仲未贏過，但3戰全入三甲，當中兩仗跑好泥地均以短距離飲恨，質新馬跑磅不跑分，升班孭輕磅有好冇壞。除了季初9月份之外，「勝意」今季從未上過從化，今次賽前罕見北上並試閘，必定有料到！
第9場「皇龍飛將」目前進度尚有不足，陣上仍會搶口，晨課出跳豎尾岳頭，難得仍能一再交出好表現，高質盡顯。
針對細隻噸位唔夠，今次抖夠出戰充滿誠意，更正斗係同場快馬多步速唔會慢，「皇龍飛將」搶口情況可望減輕，形勢樂觀。
