東網電視
更多新聞短片
1/6
第6場四班泥1650米，步速偏慢，結果開出3隻前置馬，「飛騰騅」同「天時明駒」兩隻有近績馬，跑法主動交回水準得2、3名，而今晚開齋的金誠剛，就騎住游廐9.9倍跑開短途嘅「川河型駒」跟住前面兩隻，直路半程等佢哋鬥到差唔多，就移出外欄發力追趕壓倒對手，跑到第18仗開勝門喇，今晚真係處女馬之夜呀~至於金誠剛今晚暫時出2隻贏晒，起個孖勢頭起咗呀~
賽後凱旋門，游生父母都有嚟，撞正游達榮父親今日生日，呢張頭馬相好有紀念價值呀，游達榮叫岳敦做舅父，佢媽咪就係岳敦個妹呀~
第6場賽果：10-4-3-12
二重彩賽果：10-4(最後賠率108)
游達榮父母在場。
金誠剛起孖。
游達榮父親生日贏馬，母親係前香港練馬師岳敦妹妹！
頭馬相。
「川河型駒」黃雀在後。
