東網電視
更多新聞短片
天生嘅sense係冇得練。
1/4
尋日係國際兒童節，一班星爸星媽自然為仔女慶祝節日，而內地男星李亞鵬亦抽空陪囡囡李嫣，期間佢哋仲化身潮人玩街拍，原來佢哋係為嫣然天使基金嘅公益布袋影相作宣傳，真係好有愛心！
李亞鵬尋晚喺微博分享街拍照，相中所見李嫣着上背心短褲，仲孭住嫣然天使基金嘅布袋，一身打扮勁潮，果然遺傳咗媽咪王菲嘅時尚品味！另一張相見李嫣、李亞鵬同友人齊齊Chok甫合照，李嫣一頭亂髮型到爆，仲識舉高手擺甫士，網友睇見都大讚佢星味十足，就連李亞鵬都留言自嘲：「六一兒童節，朋友們一起為嫣然的條絨包包街拍，在零零後面前，後排的叔叔阿姨瞬間鄉村模特隊。」
李亞鵬真係勁晒個女。
李嫣嘅鬆郁矇照都好有動感。
嘩嘩嘩，真係成個Top Model咁款，連李亞鵬（後排右一）都唔夠Chok。
