雙喜臨門！《美選》羅依婷獲男友求婚兼生日

因《美選D.n.A決賽》奪冠的羅伊婷（Daisy），昨日踏入25歲即有驚喜，獲男友求婚，她於社交網上公布將榮升蘇太。Daisy今日於社交網上載了一張男友機場大堂跪地求婚的片段，蘇生手攞住戒指，跪地說：「羅依婷你可唔可以嫁畀我？」攞住大束紅玫瑰的Daisy隨即點頭，之後兩人擁抱加情深一吻及戴戒指，成個過程溫馨又動人，難怪Daisy眼濕濕。

佢仲喺網上寫上：「25歲的第一天除了生日快樂，也可以跟我說，“恭喜蘇太”，多謝老公同所有朋友，愛你們，終於可以名正言順跟大家宣布「我要結婚了！」」

Daisy接受東網訪問，佢話：「嗰陣好驚喜，因為我最friend嘅朋友同屋企人都喺現場。呢兩個月，男朋友好秘密搵朋友拍片畀我，因為我哋大部分時間一齊，所以係好難做到，我嘅朋友沙律同佢男友林耀聲暗中協助佢，所以都好感動！」佢又話6月會去土耳其影結婚相，11月29日擺酒。