麥潔文帶細女出鏡　江華叫讀多啲書先

藝人江華與太太麥潔文聯同細女陳薔天到將軍澳電視城，為慈善節目《明愛暖萬心》獻唱籌款，但三人並非同台演出，而是麥潔文先後與丈夫與女兒合唱，她解釋分別受大會邀請，與女兒合唱是配合主題「跨代共融」，江華笑說：「之後我就希望上呢個節目。（唔叫埋大仔？）佢去咗越南，佢麻麻哋幕前，大家想見佢咩？我問吓佢。」第一次亮相電視節目的陳薔天直言緊張。

問到是否自小栽培細女唱歌？麥潔文說：「冇話特別栽培，但有陪我練吓歌。」江華大讚女兒有天分，細細個聽到電台播英文歌會一齊唱，問到會否鼓勵女兒入行做歌手？麥潔文認為現時歌手「好難做」，首先應該讀好書，江華說：「一路做嘢一路讀書讀上去，做個明白事理嘅人。」陳薔天亦認為有機會可以試，但贊成父母所言先讀好書，麥潔文又表示女兒有開始填詞，希望退休前可唱到女兒的作品。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。