東網電視
更多新聞短片
苟姑娘真係多功能
1/5
「幸福人妻」苟芸慧日前拍攝地產廣告，於新冠肺炎疫情下開工依然狀態大勇，即使拍足12小時仍未見疲態！苟姑娘期間要以多個造型上陣，無論是住家look或是女強人造型，都相當亮麗！
因疫情問題，不少藝人近乎零工作，苟芸慧自言也受影響：「的確好多工作延期，有些延至年底，但都要睇到時情況，如果疫情仲係咁嚴重，可能年底都未必做到，不過呢啲事大家都經歷緊，對我嚟講，等待嘅嘢可能係更美好，唔需要咁心急，或者都係一個好經歷，可以畀我喺屋企多啲休息，諗諗之後嘅路點行。」而苟芸慧認為疫情對她最大的影響，是未能飛返加拿大見屋企人。
今次難得在疫情下開工拍廣告，苟芸慧表現雀躍，高呼感恩，問到出門拍攝可有做足防疫措施？苟姑娘即沒好氣表示：「我老公（陸漢洋）超級緊張，反而我就隨遇而安，我覺得大家戴口罩、量體溫等，已經好安全，但我老公就緊張到會買啲垃圾袋嚟笠晒啲櫈、鋪晒啲枱，搞到好唔方便，我明白佢嘅出發點為我好，但有時似乎過分緊張吧。」
苟姑娘做女強人！
好認真！
化個靚妝先！
仲要入得廚房喎～
