繽FUN星網節目多元化　群星極力推介！

繽FUN星網隆重登場，大把好節目等住你睇！《娛落區》走入大街小巷，八盡天下娛樂事，親自落區，親民街訪，發掘熱話！女神余香凝直言非常期待：「我覺得呢個『時事』節目好貼地，而且身為藝人，冇理由唔留意圈中動態嘛，追睇嘅話會知道咩新聞最Hit同埋粉絲嘅反應，Keep住睇一定唔會Out，信我！」

人人都想做KOL，唔通人人都做到KOL咩？《KOL大聯盟》向人氣KOL埋手，透過深度訪談或互動，了解KOL背後故事，Like數點樣由零開始，創出成功之路。譚凱琪大讚《KOL大聯盟》夠深度：「唔少KOL係素人，其實係憑創意先令大家關注，反而想知多啲佢哋背後嘅不易，其實好勵志。」

有女萬事足！有個萌爆B女嘅視帝陳展鵬，首推節目《有種爸爸》：「我都係爸爸，有好多嘢需要學習。正所謂活到老學到老，大家都要嚟睇學吓嘢！」他更大讚自動播片功能非常方便：「最鍾意片接片功能，可以慳番好多時間！」