晨早排練　Nowhere Boys午餐後撈兼職

樂隊Nowhere Boys為無綫音樂節目《我們的音樂時代》任嘉賓，接受主持許文軒（Edmond）訪問，大談成軍多年感受，主音Van說：「曲、填詞大部分都係我同漁佬負責，但編曲方面我哋想五個人一齊搞，不過我哋五個喜歡嘅音樂背景都好唔同，有古典、六十年代搖滾、爵士樂等，所以要攞個平衡點，不過咁樣造歌就要花更多時間。」

漁佬說：「第一隻碟造得好快，因為大家好客氣！而且以前冇Band房，冇咁多時間坐埋一齊Jam，依家大家坐埋一齊就會愈加愈多嘢！造一首歌就好似造五首歌咁耐。」

成員Nate亦叫苦連天：「唔知點解我哋要每個星期三朝早上十點做排練，真係好辛苦！」Van笑說：「其實我哋好唔Rock & Roll，因為大家午餐之後，會各自做自己嘅兼職，所以得早上得閒。」