馬貫東孖富貴女友同居抹窗 現任原來同朱敏瀚拍過拖

20200905
東網電視
更多新聞短片
馬貫東富貴女友原來同朱敏瀚拍過拖!
藝人馬貫東早前憑劇集《那些我愛過的人》成功上位,同時亦被揭與圈外女友蜜運中,事業愛情兩得意,不過佢就對戀情相當低調,努力保護愛苗。近日有指原來其女友名叫蘇詠童(Christy),家境富裕,不但家住港島半山,更已經係美容院嘅老闆娘。
日前Christy更曾經於社交網上載一張一男一女背對鏡頭嘅合照,見二人在家中洗窗,非常甜蜜。雖然未有正面示人,但Christy就標籤上馬貫東嘅社交網用戶,又寫上「Home sweet Home」、「來記錄一下我倆人生第一次洗窗」等字眼,似乎已經過緊同居生活。而該單位內有超大玻璃窗兼面向無敵大海景,相信價格並不便宜。此外,Chrsity亦有為愛貓開設社交網,當中放有唔少貓貓喺家中玩耍嘅照片,同馬貫東平日網晒嘅貓貓照片非常相似。
另外,有指Christy曾經與無綫藝人朱敏瀚拍拖,當時朱敏瀚更被指撻着前華姐冠軍余思霆,捲入多角戀。而現時朱敏瀚與余思霆感情穩定,早前被拍得手拖手行家品店。
馬貫東接受東網訪問,對於跟富家女拍拖同居,以及女友是朱敏瀚前度,他說:「感情事唔回應太多,女朋友係圈外人,唔想畀壓力佢,希望畀啲空間我哋,多謝關心!」至於朱敏瀚對於跟舊愛分手是現任余思霆介入,他說:「我否認過好多次,唔回應,祝福大家!」被指介入戀情的余思霆就懶理傳聞:「呢啲問題一早否認咗,依家大家幸福開心先最重要!」