楊埕專攻紅色旺桃花 棄70萬辣跑買細車

香港時間
2020年10月24日(六) 21:00
東網電視
更多新聞短片
視頻觀看次數: 3.2k
楊埕心儀70萬辣跑,但對新手嚟講都真係昂貴咗啲!
1/10
藝人楊埕上月才考獲車牌,已急不及待去買車,日前孖好友邱晴現身九龍灣某商場的二手車展銷場,楊埕透黑bra上陣,而邱晴則穿上衞衣配超熱褲騷腿,二人見到各款靚車,不時手指指傾不停,當覓到心儀的車時,就分道揚鑣仔細睇。楊埕見到一架跑車時愛不釋手,即時上車試坐,之後更開了車篷感受一番,但當睇到價錢約70萬元便離開。之後轉移目標睇價位大約20多萬的細車,當見到一架橙紅色細車時,又上車感受一番。之後她會合邱晴,問邱晴意見,邱晴雖然只得21歲,但見她對車十分熟悉,隨口就講到不少牌子的型號及性能,而她今次亦似有意買車,見她同樣主攻跑車款,不時睇5、60萬跑車,兩人雖然沒有即時買下,但都似有心水之選。逛了約個多小時,都略有疲倦,隨即在附近餐廳坐下飲嘢休息,醫飽肚後施施然離開。
楊埕離開無綫後,工作停滯不前,加上之後與男友分手鬧上警署,背受負面新聞影響,現事件已解決,楊埕亦重新出發,首先買車獎勵自己,她透露一直都想買車,花2年考試3次才考上,她說:「我覺得有車方便好多,本來睇中咗架開篷跑車,但要70萬,覺得好貴,同埋我其實係路癡,又冇路面經歷,買咁貴嘅車如果抄車會好肉痛,所以都係揀啲20幾萬嘅細車先。我睇中咗架紅色,因為紅色襯我又旺我,希望可以吸財又吸正桃花。」而邱晴同樣考過3次車牌才合格,希望買架二手跑車,她說:「我最型嘅跑車,之前台慶抽大獎有50幾萬,但我會分期付款,身邊啲朋友好鍾意車,所以對車都好熟悉,之前有攞屋企人嘅車揸。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc
楊埕現身二手車展銷場睇車。
邱晴亦鍾情價值50萬跑車款。
邱晴見到搖搖櫈,童心未泯坐上去玩。
原本睇中70萬開篷辣跑!
兩女行到攰去咗附近餐廳。
楊埕
之後轉攻20萬紅色細車,原來旺財兼桃花!
坐低飲嘢休息。
邱晴
關鍵字
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。