東網電視
更多新聞短片
Aka早前畀狗咬傷，頂硬上錄歌。
歌手Aka日前為TVB娛樂新聞台節目《StarTalk》任嘉賓，大談創作新歌《Fearless》感受，她說：「我冇學過樂理，冇作曲基礎，所以之前對創作冇乜信心，今次係監製Jason畀機會我試，一齊去創作，喺個過程中我仲愈嚟愈大膽，一度Challenge佢，我叫佢不如改吓某啲音，哈哈！其實Jason佢好Open畀我發揮。」
她直言今次錄音因嘴部的傷口，以致有所困難，令歌曲甚難唱，她說：「之前被狗咬傷，剛康復就去錄音，呢首歌需要好大力氣去唱，要擘大個口去唱，第一日錄完音，個傷口裏面的確有啲痛，但係冇辦法，就住就住錄音更加唱唔到，所以最後都冇理，每次唱完我五臟六腑啲能量，好似掏空晒出嚟咁，好攰！之前有失眠習慣，錄音嗰幾日，估唔到返到屋企連床都未上，就可以瞓着。」
早前往流浪狗場做義工被狗咬事件，她直言留有陰影：「咬嗰陣唔知有冇扯走我啲肉，淨係覺得好痛、麻痹同流血，真係驚毀容同有疤痕，所以之後都好聽話配合戒口，唔出街唔化妝，好好護理，初初因為個嘴郁唔到，所以要用飲筒飲粥水。試過發夢夢見畀同一隻狗咬，依家慢慢克服，希望嚟緊見到啲大狗，都想試吓可唔可以餵嘢食，同埋再返去狗場做義工。」
Aka仲留有陰影，發夢都夢見畀狗咬！
好在依家慢慢克服到啦！
Aka接受許文軒訪問。
----------------------------------------
「繽FUN星網」誠招各類有趣短片！
家有可愛貓狗，想同更多嘅人分享？
有橋有料，素人想一片成名？
立即寄片嚟： bunfun@on.cc
