東網電視
更多新聞短片

正在佗B的胡杏兒,挺住籮咁大個肚去探老友胡定欣班,原來是因為定欣將會去內地拍劇《白色強人II》,於當地隔離21日,而拍攝期間,杏兒都應該已經生咗BB,所以兩人把握時間敍舊見面,定欣晒出與杏兒及馬國明的合照留言說:「今晚明城北婦產科收咗位好尊貴的產婦,兩位院長熱情款待,務必提供最優質的星級待遇,希望李太有個愉快的生產過程!~」胡杏兒就回覆說:「有你兩個幫我生,應該好順利。」相中見杏兒穿的服裝有點似病人的戲服,有網友就問難道胡杏兒回歸娘家TVB客串?

馬國明都要暫時同女友湯洛雯分隔兩地。

定欣將會返內地拍劇,返港時杏兒都已經生咗。

唔通杏兒返娘家客串?
另外,唐詩詠都會出發去內地拍劇《白色強人II》,同樣要隔離21日,她的好姊妹黃翠如就怕她冇啖好食,專登拉腸粉為她餞行,唐詩詠留言:「我嘅朋友好好,知我去隔離,話要煮啲好嘢畀我食」不過她就笑言腸粉似漿糊,而黃翠如老公蕭正楠就話:「起碼她煮給你吃」似乎翠如下廚已經是相當難得。

睇見碟腸粉都真係幾似漿糊。