一人之境！鄧萃雯單拖過55歲生日

藝人鄧萃雯早前因生倒刺入醫院做手術，似乎已經冇咩事，今日55歲嘅佢，今年冇選擇大肆慶祝，反而自己一個人靜靜地過，仲要溫書做功課，真係獨自一個人嘅最高境界，被網友大讚好厲害，佢喺社交網留言：「今日的特備節目就是不約人，自己過，乖乖努力做功課！#慶祝的最高境界就是做功課和自己過」

雖然自己一個過生日，但絕對唔Hea，見佢化上淡妝喺餐廳食飯，散發出自信女人味，而見佢亦有收花，足見人緣唔錯，睇嚟自己過生日都唔係好慘，反而喺佢身上搵到另一番味道！