「機」緣巧合撻着!張曦雯自認唔浪漫放養男友
20210305
東網電視
更多新聞短片
![](/hk/bkn/cnt/entertainment/20210305/photo/bkn-20210305221905325-0305_00862_001_01p.jpg?20210307051215)
女神張曦雯與男友Mark因打機而撻着,由朋友發展成情侶,感情穩定。外表洋化的她不愛浪漫激情,不需男友送贈鮮花,情願細水長流,對男友更實行「放養」不管束政策:「佢好值得我信任!」
罷做管家婆:辛苦自己!
出名愛打機的「電競女神」張曦雯(Kelly)與外籍男友Mark拍拖2年多,雙方由朋友介紹認識,情緣由打機開始:「未識之前已經鍾意打機,認識後發現原來大家鍾意玩同一隻Game,有一齊玩,都係鍾意玩射槍、打喪屍呢類遊戲。不過,我由Day one開始已經打得叻過佢!」她自言打機時相當豪邁,間中亦會失言:「會笑佢渣同埋奚落佢,有時講得過分咗會講番對唔住,不過佢唔會嬲嘅,哈哈!」
Kelly與男友已發展至同居關係,但不心急談婚論嫁:「我唔係浪漫嘅女仔,平時唔會要求佢送花,或者幻想將來有點樣嘅婚禮,男友亦冇呢方面壓力。大家為事業拚搏緊,未Ready去下個階段。」她笑言不介意公開名花有主及男友身份,全因對方在她心目中有分量,平日相處融洽,亦不會加以管束,採取「放養」政策:「佢係個好人、好男仔,我哋好少鬧交,就算有少少不滿都只會平心靜氣講,係一段舒服、開心、穩定嘅關係。佢好遷就我,我亦唔會管佢,無謂辛苦自己,佢又唔舒服。當然佢好值得我信任,呢個年紀,穩穩定定已經好開心。」她又甜絲絲爆男友的窩心舉動,指他即使打機,亦會校鬧鐘睇劇捧場:「佢好支持我,一個鬼佬睇TVB,其實幾搞笑!」
戴假髮上庭:解鎖成就
感情穩定與Kelly的事業發展相得益彰,早前到美國進修後,拍攝《木棘証人》與《踩過界II》獲讚演技有進步,她說:「《踩II》係拍劇以嚟最難,首先第一套已經好成功,而自己係新演員,角色好複雜又要有女強人一面,要好勝、溫柔、吸引人,角色好多層面,挑戰好大!」
飾演律師的她戴假髮上法庭,直言分外有滿足感:「由細到大睇TVB好多律師戲,覺得喺庭上戴住個假髮好有型。初時有啲擔心,因為法庭戲連續拍咗21日,對白好多,壓力好大。唔係記性問題,自己短暫記憶冇問題,而係演員唔止講對白,最緊要係情感,所以今次做到,好似解鎖成就咁!」