「千禧五虎」之一！羅天宇上戲劇堂增值

獲無綫點名力捧的「千禧五虎」，除了《青春不要臉》的余德丞及丁子朗外，還有羅天宇、朱敏瀚及周嘉洛。當中羅天宇去年憑大熱劇《香港愛情故事》人氣急升，更越級挑戰《萬千星輝頒獎典禮2020》視帝殊榮，雖然最終未能跑出，但獲欽點為新版《十月初五的月光》男主角，更有份演出正熱播的《大步走》及尚未出街的《把關者們》，劇接劇冇停過！

對於備受力捧，他受訪時謙虛地說：「公司有好多男演員，我諗都係咁啱呢段時間忙啲啫！不過公司真係好肯畀機會新演員。」他明言會把握每個演出機會，努力做好每個角色，故不停全方位增值自己：「有上戲劇課堂，仲有喺唱歌、言語方面都想有進步。（想演咩角色？）希望試吓以前未試過嘅，好似極端性格嘅，或者打戲都可以，想擴大演戲層面。」問何時再接新劇，他說：「6月公司Mark咗期，但未知咩劇。」