《好聲好戲》會添食　王祖藍邀梅艷芳御用配音員出山

無綫首席創意官王祖藍、馮盈盈、黃翠如、何廣沛、楊潮凱等晚上（2日）在將軍澳電視城出席節目《好聲好戲》謝師宴，席間更率先播放節目畢業作品《侏羅紀世界》配音片段。

祖藍接受訪問時被問到節目如此受歡迎可會開拍第2季？他說：「會開，不過，唔會喺台慶前，因為嚟緊仲有好多節目，唔使咁快翻炒，依家開始籌備，形式上會有啲轉變。」

祖藍又指為節目碌盡人情卡，但還有很多神級配音員未上節目，希望下季能夠邀請他們出山，他說：「好似盈盈嘅老師龍寶鈿，佢係梅艷芳嘅御用配音員。」馮盈盈笑說：「為咗節目一定會幫手邀請老師出山。」她又指參加比賽由準備至今，整個過程感受很深，笑言若有第2、3季也希望再參加。