為跳樓去到幾盡？視帝王浩信狂操「麒麟臂」

視帝王浩信現時正忙於為邵氏網劇《廉政狙擊》拍攝，劇中他飾演重案組探員，於戲中肩負起大部分的動作場口，之前他已揚言劇中會有很多驚險場面，例如要5樓跳落街，向來專業的他，更表示可以的話都會親身上陣，不用替身。

一有時間，他就到健身室操練，務求以最佳的身形及狀態演出，見他推鐵餅、玩戰繩，露出粗壯的「麒麟臂」，全身是勁。他接受東網訪問時被問到既要開工又要同時操練，會否相當吃力？他謂：「因為呢套劇好多條線，所以自己依家趁未好Chur時盡量抽時間操，呢個角色係一個警員，又要成日打，為免拍時受傷，自己都要保持一個Active啲嘅狀態，盡量Keep啦！」

其實他自任男主角後，差不多每套劇都有動作場口，有些更要打到飛起，如《EU超時任務》、《致命復活》、《踩過界》系列、《解決師》、《兄弟》、《反黑路人甲》等，他都不時要拍打鬥動作場口，有次他更笑謂：「我依家每天工作就係同人打交，慶幸拍攝以來都冇太多受傷！」希望他現時拍攝《廉》劇都一切順利啦！