姜濤Anson Lo台劇下月播　大玩制服誘惑

人氣組合MIRROR成員姜濤及Anson Lo（盧瀚霆）早前飛到台灣拍攝台劇《超感應學園》，而呢套劇終於喺8月出街，日前台灣電視台就發布新一輯預告，雖然姜濤及Anson Lo並唔係主角，但一批「姜糖」及「神徒」見到預告都極度興奮，即刻喺下面留言洗板，當中更有姜濤及Anson Lo着上校服拍攝，大玩制服誘惑！由於該劇係校園奇幻劇，集驚悚與懸疑於一身，所以劇照中有唔少姜濤O嘴樣，「姜糖」大讚偶像超可愛，至於香港幾時有得睇呢？據知仲未有時間表，粉絲要睇就要諗諗辦法喇！