東網電視
更多新聞短片
藝人羅天宇現時正忙於為新劇《旁觀者》拍攝，劇中他與王敏奕飾演警察，二人經常一起查案，並肩作戰，互補對方不足。「講到我讀大學時喺學校經常被人欺凌，而且患有強迫症，所有嘢都要好整齊，我同敏奕喺工作上好需要大家，係好知己，喺生活上都好需要，我知道佢生活上有乜嘢需要我都會幫佢，好似執屋，家頭細務都會幫佢。（劇中你鍾意佢？）又唔係，只係大家都好需要大家，佢係唯一一個好了解我嘅人。（咁現實生活你有冇強迫症？）有少少，唔知係咪天秤座，好多嘢我要兩邊平衡。」
新劇羅天宇有強迫症，家頭細務都會幫手。
現實生活佢就要好多嘢都兩邊平衡。
而天宇劇中角色於大學時鍾意連詩雅（Shiga），但因被人欺凌故離開學校，中間有一次意外，令二人斷絕來往：「長大後見番我已經變咗另一個人一樣，今日就講我第一日重遇番佢，仍然都好掛心佢、愛護佢。我未同Shiga合作過，但之後有一齊合唱首Cover，佢好高，所以我同佢合作，都盡量叫佢唔好着咁高嘅高踭鞋。」
佢對連詩雅印象係「好高」。
