《愛.回家》+奧運兩邊忙!鍾志光唔夠瞓都好精神

2021年07月24日 19:08
東網電視
更多新聞短片
資深體育評述員鍾志光為無綫劇境劇《愛.回家之開心速遞》開工,談到今集以「為香港隊打氣」為主題,他表示拍攝時忍不住「技癢」,評述員上身談運動員:「有評論吓!不過監製都畀好大空間我自由發揮嘅。(呢排又拍劇又做評述咪好忙?)有騷計嘅,體育係自己範疇,即使瞓少咗都好精神。」
談到奧運比賽項目,鍾志光透露特別關注乒乓波:「日本喺2013年攞到主辦權,搵咗中國隊嘅張本智和助陣,豪言要喺中國隊包攬乒乓波嘅金牌情況下奪取金牌,所以就拭目以待啦!因為港隊關係,我都有留意劍擊嘅江旻憓,睇佢賽後訪問好感動,佢喊住講咗幾次唔好意思輸咗,其實應該我哋多謝佢至真,佢嘅成續已經突破咗上屆,所以絕對唔存在唔好意思,好少事啫!」
另外,鍾志光另一位好拍檔江忠德今日(24日)在J2台直播奧運期間,未出完字幕就已經與其他主播Selfie,即被網民瘋狂Cap圖。