東網電視
更多新聞短片
藝人林家棟以監製身份現身電影《殺出個黃昏》的謝票活動，他開心表示觀眾對該片反應好，尤其開場的果欄大戰，很多人要求開拍前傳及下集，他笑言要問老闆：「大家對所有演員嘅反應都好好，算係有個交代，新人同舊人都有個平台畀佢哋發揮。」又大讚飾演年輕版的演員何雁詩、林耀聲及符家浚做得好。問到是否會開拍續集？他坦言：「有諗過，但係條數好大，如果拍前傳係講番50年前，咁就要搭景，我知道大家對主角前半生好有興趣，不過都要等編劇忙完另一套戲先可以再歸隊。」
林家棟（最右）話林耀聲（最左起）、何雁詩及符家浚都做得好。
諗過開續集，但要好多錢！
家棟稱現時每周都會跟電影主角謝賢見面：「主要係呃水吹，佢知道有好成績好開心。（今日唔叫佢嚟？）今日太熱喇！我平時約佢都係去俱樂部。（你請佢？）佢請，佢係會員，我想請都冇資格，我好開心見到佢。」至於另一主角馮寶寶亦不時跟他聯絡：「佢試過5點幾傳首詩畀我睇，佢都好想快啲返香港，我同佢講如果部戲有好成績，我會安排年底再上映，等佢年底返嚟可以喺戲院睇。」
又透露同謝賢及馮寶寶有聯絡。
