新歡曝光？李麗珍索女晒蜜照　疑撻着《造星II》木獨仔

一代女神李麗珍同前夫許愿育有一女許倚榕（Annise），現年24歲嘅Annise遺傳媽媽優良基因，樣貌相當標致，雖然身為星二代備受關注，但佢冇刻意收埋感情生活，早年就喺社交網貼出同男友合照，型男配索女，不過似乎已經換畫，除咗合照消失外，Annise近日喺限時動態上載同一男子短片，仲加上心心圖案，疑似新歡曝光，不過呢位新歡就避開鏡頭，似乎唔想露面！<br/><br/><br/><br/>究竟係邊個成功贏得Annise芳心？Annise好低調咁Tag咗對方名，原來呢位男子係曾參加《全民造星II》嘅Band仔Andrew（郭梓浩），當時報稱係社區幹事助理，「個性木獨、慢熱、唔識講嘢，唯獨係唱歌，你會睇到不一樣嘅我」，曾與後來加入「MIRROR排名」環節嘅Alton同組。雖然最終落敗，但佢冇放棄唱歌，喺社交網不時上載自彈自唱片段，獲唔少網民讚好聽，同埋好奇佢哋係點識呢？<br/><br/><br/><br/><br/><br/><br/><br/>