獲封最美康敏！索過張馨予　朱珠來頭勁猛

新版《天龍八部》依家熱播當中，可惜劣評如潮。有網友覺得呢一輯選角好有問題，亦有人覺得劇情唔跟原著，成個Feel唔同晒！雖然罵聲一遍，但劇中配角就離奇彈出，好似康敏咁，原著中康敏出名靚女又風情萬種，係男人見到都嗒晒糖，但係佢其實係一個心狠毒辣嘅人，喺《天龍八部》係一個重要角色。

新版康敏由內地藝人朱珠飾演，佢嘅靚樣被網友封為「最美康敏」，比同樣演過康敏嘅張馨予更加靚！朱珠來頭其實唔細，37歲嘅佢2005年殺入娛圈，2012年曾入選「全球百大最美臉孔」，之後仲連續7年榜上有名，佢仲同「法拉利」總裁Lapo Eduard Elkann傳過緋聞添！而朱珠家族都好猛料，爸爸係內地知名富商朱漢濱。而朱珠已經封咗盤，同細佢兩年嘅王昀佳結咗婚，佢老公王昀佳畢業於英國曼徹斯特大學，依家喺北京清華大學美術系擔任教授。