陳家樂有食神︱連詩雅巧手炮製大餐有餐廳水準

歌手連詩雅（Shiga）同媽咪感情深厚，日前佢媽咪生日，啱啱拍完劇嘅佢即刻爭取時間，同媽咪慶祝生日，身為孝順女嘅佢仲大展廚藝，煮咗大餐畀媽咪食！見佢整咗蟹肉三文魚他他、大蝦意粉、沙律等，全部賣相都好靚，似足出面啲餐廳，認真犀利！一眾網友大讚佢哋兩母女好sweet，又讚Shiga廚藝高超，入得廚房出得廳堂，紛紛話想試佢啲手勢，仲戥佢男友陳家樂感到羨慕，成日都咁有食神！