阿嬌點諗?「空界林依晨」爆同賴弘國離婚真相

20210923
東網電視
更多新聞短片
藝人鍾欣潼(阿嬌)喺上年驚爆同台灣「醫界王陽明」賴弘國離婚,結束唔夠2年嘅婚姻, 至於阿嬌嘅離婚原因一直成謎,當時外界有好多揣測,有指係因為賴弘國經常夜蒲攬女而成為導火線,又有指係賴弘國係「被離婚」嘅受害者,對於種種傳言,阿嬌一概都冇回應,佢亦冇透露佢哋嘅分開嘅主因,只係話覺得同對方做朋友會舒服啲喎!
半年離婚收場
其實賴弘國同阿嬌喺2018年結婚之前,曾經有過一段婚姻,佢喺2016年同有「空界林依晨」之稱的前空姐趙筱葳(Ivy Chao)結婚,但係婚姻維持咗半年就宣布離婚收場。近年轉戰做網紅嘅Ivy,近日現身網上節目時,講到佢同賴弘國嘅一段婚姻。佢話同賴弘國拍拖1年半之後結婚,點知結婚半年後,賴弘國於冇預警之下提出離婚,佢話:「我對於婚姻的想法是兩個人要有共識經營,而且婚姻的基本是基於愛,你愛彼此、愛家庭、愛小孩,如果今天這個關係沒有愛了,我們就可以把合約解除。」
佢表示離婚唔可怕,但當時的確好難承受:「因為今天突然這件事丟進來了,我是必須要接受的那個人的時候,這一切都打亂了。」由於離婚嚟得太突然,令佢之後陷入半年嘅低潮期,拒絕一切社交活動,只係想匿喺屋企,不斷懷疑自己到底出咗咩問題,連自我價值都喪失埋,受盡唔少輿論壓力,最後佢係靠自我信念走出離婚陰霾!