黃建東瑪姬開慈善騷向梅艷芳致敬

香港時間
2021年12月08日(三) 10:03
東網電視
更多新聞短片
開騷都食住個勢。
藝人黃建東與DJ好友瑪姬日前舉行慈善音樂會為「香港復康力量」籌款,2人表示疫情期間未能一如以往合作為晚宴擔任司儀及表演嘉賓獻唱,故此大家都很珍惜今次Jam足一晚的機會,更提前兩日與琴手綵排,非常認真。
2人希望藉今次音樂會向梅艷芳致敬,在其眾多經典金曲中,他們不約而同鍾情《赤的疑惑》,瑪姬透露:「東東好有風度,最後都將首歌拱手相讓畀我唱,而佢自己就迎合觀眾嘅點唱,翻唱咗另一首經典《女人心》,仲即場將歌詞稍微改動為《男人心》去唱出另一種感情。」瑪姬為了唱好《赤的疑惑》下了不少工夫,除跟歌唱老師練習了幾星期外,她還上網觀看所有曾經翻唱這首歌的片段作參考,希望能夠以最佳狀態演繹。
黃建東同瑪姬以前都組開情侶檔。
仲想藉今次音樂會向梅艷芳致敬。
演出期間,東東繼續貫徹搞鬼作風,瑪姬爆料說:「唔知點解隔咗兩年無合唱啫,有幾首以前登台經常合唱嘅英文情歌,佢唱唱吓會突然轉咗用肥媽嘅腔嚟唱演繹,搞到我要一路深情唱、一路忍住笑。」而音樂會壓軸歌曲是由東東創作的《平安郁》,瑪姬笑指歌詞實在太趣怪:「綵排嘅時候我已經失控笑到跪咗喺地下完全唱唔到,Post咗條片上社交平台之後,反而有好多網民留言話好期待正式演出,好彩最後都順利完成。」
有Feel。
瑪姬爆料黃建東忽然唱肥媽腔,搞到佢差啲笑出嚟。
見到2人以同色情侶裝上陣,瑪姬澄清並非情侶裝:「係我個造型師特登幫我哋襯衫,去配合受惠機構個標誌嘅顏色,冇諗過出咗嚟個效果竟然咁夾。」
關鍵字
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。